偉大的祖國

呢幾日從喺淘寶搜購佈置上嘅嘢跳躍咗去喺網上睇婚紗。基本上我已經定咗好多佈置同 rundown 上嘅嘢,最後先嚟 source 婚紗。呢段時間好多人問我揀咗婚紗未。實情係,我宜家個形狀未接近到時候結婚個形狀,好難去試衫。加上自從我肥咗之後,同埋體力又差咗,我真係完全無咗個 excitement 去行街買衫,去試、除、試、除、試、除。同埋我從來都覺得,衫係永遠都睇唔完,出面永遠都有更靚同更好嘅等緊我。所以喺 Francis 同我求婚後嗰一個禮拜,我呢個 google 摩打手已經喺網上面揾咗好多各方面嘅 reference pictures, 包括我揾到一條我同 Francis 都好鍾意嘅婚紗,而我揾到呢件好鍾意嘅就停咗,就無再去揾。咁我仲喺度 source 咩呢?就係揾人幫我訂做呢條我地鍾意嘅婚紗款出嚟喇。

 

我本來喺淘寶都揾咗啲可以做婚紗嘅舖頭,但係佢地吓吓開價五百幾蚊,平到有啲驚(竟然今次係嫌人平!);本來今日都會同 Francis 去金巴利道度睇吓,但係最後我地都係 heah 咗喺屋企。我又無衝動上深圳同廣州住,所以我暫時都係停留咗喺上網 research 吓揾邊度做婚紗好。

 

揾吓揾吓,俾我揾到啲真係唔揾開都唔知有嘅嘢:當我仲以為婚紗得金都、中環、金巴利道同頂晒籠黃埔有,然後就到要北上嘅深圳同廣州之外,原來內地有好多廠已經 skip 咗俾婚紗舖食一層佣,直接整咗全英文網站,俾外國人訂做婚紗。佢地skip 咗婚紗舖嘅 designer, 咁係咪揾個農夫幫你做設計呢?咁梗係唔係啦。我地作為中國人乜嘢關於中國嘅歷史同背景都可以唔知,但千萬唔可以唔記得我地偉大嘅祖國嘅厲害之處,直頭係驚天地泣鬼神嘅神乎奇技--翻版!(笑)呢啲外國人叫 US front China back 嘅婚紗店,放晒所有出名嘅 designer 所有嘅款式上去,收你原價五份一甚至乎六份一嘅價錢幫你度身訂做一條俾你。大部份重要有得俾你加 option, 譬如轉 用 silk, extra beading, 等等,同教晒你點度身同埋俾你提交自己尺寸嘅 form。有啲 shop 除咗 online 有個色版之外,仲會免費寄啲珠珠、珠片 同 color swatch 俾你揀!你額外有咩要求就可以 email 佢或者同佢地 online chat 個 rep 講,我亦已經測試過,啲 online rep 係操流利英語!佢地喺寄條裙俾你之前會影張相俾你睇,有嘢唔啱就可以改,等你 confirm ok 之後就會 DHL 條裙俾你!

 

咁類型嘅廠/店仲要唔止得一間,係有好多好多間!大部份都係喺蘇州,我地祖國最強嘅婚紗之城。我睇完晒之後直頭係呆咗,同埋驚歎內地朋友嘅進步同變通能力之強。咁好啦,落單嘅過程就天花龍鳳,咁最後個製成品係點先?經過我喺網上面做咗幾日嘅資料收集,發現有啲呢啲店,可能係後起嘅,質素就比較參差啲。但係歷史耐啲嘅就你交代啲咩,全部幫你做到足,手工重要非常好。有啲 forum 專門俾人分享用過呢啲大陸婚紗廠嘅準新娘嘅經驗。有啲成功個案嘅客人 post 晒相出嚟,見到真係好靚,手工超好,佢地自己亦非常滿意,感動到喊,俾$200 美金可以有條 designer wedding gown。但當然無咁好嘅廠就有好多失手 case. 而我發現到最容易失手嘅係客人自來款式,唔用佢地自己本身網上面嘅款式,或者太多額外要求,咁佢地就會有機會出錯。

 

如果我地香港人真係諗住用佢地,其實都幾著數,因為我地可以用中文同佢地溝通,唔駛用英文,省卻不必要嘅溝通上嘅出錯。不過你問我,我都係驚萬一收到真係錯晒真係唔知點算,結婚咁難得一世人一次有咩事起上嚟真係揾嚟搞。但係最開心嘅係當我再調查一下,原來口碑零舍好嗰間 http://www.dressilyme.com 原來係喺深圳,我就可以親自上去溝通同試身,有乜唔啱可以即刻叫佢地改!唔駛驚收到之後要 handle crisis! 我明天就會打電話俾佢地同佢地溝通好,再問佢地地址,我遲啲瘦多啲之後就會揾日同 Francis 剷上去!我會繼續喺呢度 update 個進展!Meanwhile, 有興趣嘅朋友可以參考呢個專門講 dressilyme.com 嘅 board:

 

Dressilyme.com on WeddingProject.com

 

What do you think?

Our Recent Blog Posts
Pages: 1 2 ... 5
Counting Down to our Big Day!

Calendar
February 2020
M T W T F S S
« Aug    
 12
3456789
10111213141516
17181920212223
242526272829  
Wanna talk to the donuts?